Roman di dikaneke berberîyê de dest pê dike. Ji bilî vebêjê ku bi destpêka romanê re dikeve dikanê, şagirtek, du mişterî û berber li dikanê ne. Wêneyekî kevokekê ku bi pênûsa rejî hatiye çêkirin, bala mirov dibe ser xwe. Sohbeta ku di navbera vebêj û berber de pêk tê, çavên wan ên ku di awêneyê de dikevin hev, berberê ku hay jê heye romanê dinivîse, bibîrxistinên ku di qonaxên pêş ên romanê de dedikevin pêş, dîyalog û dengên hundirîn... Û berberê ku di romanê de wekî xwedî çavên celadîn tê pênasekirin, ew kes e ku di destpêka romanê de amadekarî bo lîstikekê dike û hemû dar û rêveberîya lîstikê di destê xwe de digire.